top of page

Sólarupprás í auðninni.


Sólarupprás á Möðrudalsöræfum 30. desember 2019
Sólarupprás á Möðrudalsöræfum 30. desember 2019

Ég hef aðeins fengið að kynnast göngu í auðninni undanfarin misseri. Það virðist litlu máli skipta hvaða stefna er tekin eða hversu hratt er gengið, ekkert hefur breyst. Sama í hvaða átt er litið, allt virðist vera eins. Auðnin ein. Óvissan hefur verið alltumlykjandi.


Þegar við getum engu breytt í umhverfi okkar er augljóst mikilvægi þess að vinna í viðhorfi sínu og hugarfari.

En á slíkri göngu getur ýmislegt gott gerst. Því þegar við getum engu breytt í umhverfinu er augljóst mikilvægi þess að vinna í viðhorfi sínu og hugarfari. Þegar neikvæðni og vonleysi nístir orðið hjartað er gleðin og vonin besta vopnið. Lítum upp.


Fegurðin í auðninni er engri lík þegar við tökum hugann aðeins af göngunni yfir hana. Þegar við hættum að góna á tærnar okkar og veitum því smáa í kringum okkur athygli. Ég hef lært að meta margt sem ég sá ekki áður og þá allra helst fólkið sem hefur orðið á vegi mínum. Fundið ótrúlega gæsku og góðvild hjá fólki um leið og ég hef líka öðlast áður óþekkta samkennd fyrir öðrum sem eru í svipuðum sporum. Ég hef lært að fólk er það eina sem máli skiptir í lífinu. Allt annað er ryk í auðninni.


Ég hef lært að fólk er það eina sem máli skiptir í lífinu. Allt annað er ryk í auðninni.

Svo er alveg sama hversu löng eða myrk nóttin er, þá getum við alltaf treyst því að sólin kemur upp að morgni.


43 views0 comments

Recent Posts

See All

Comments


bottom of page