Öll látum við okkur dreyma. Við eigum stóra og litla drauma, langsótta og hversdagslega.
En dag einn mun heilsan snúa við þér baki, læðast aftan að þér og svíkja þig. Þann dag breytist allt. Allir draumar virðast renna í einn, þann eina draum að heilsan muni aftur snúa og fagna þér. Það venjulega verður það eftirsóttasta í öllum heiminum. Á þessum tímapunkti er oft ákveðið sorgarferli að sjá á eftir öllum draumunum sem eitt sinn voru, en mikilvægi þess sem í stað hinna kemur er ótvíræður.