• Unnar Erlingsson

Veistu hvernig þú borðar fíl? Einn bita í einu.


Veistu hvernig þú borðar fíl? Einn bita í einu.

Sagt er að hálfnað sé verk þegar hafið er. Það er alltaf erfiðast að byrja. Næst erfiðast er að halda sér að verki þar til tilætluðum árangri er náð. Að klára er auðveldasti hlutinn, því þegar við sjáum til enda er eins og við fáum nýjan kraft. Oft vex okkur verkið í augum, sjáum fjallið framundan, langan dalinn eða óteljandi hluti í vegi okkar. En sama hvert viðfangsefnið er, þá byrjar þetta allt með fyrsta skrefinu, svo er bara að taka eitt skref í einu og gefast ekki upp!


Og vegna þess að við höfum flest, ef ekki öll upplifað þetta, þá vitum við líka að þetta er auveldar sagt en gert. Við flest viðfangsefni sem vaxa okkur í augum, þarf nefnilega fólk til að styðja okkur, hvetja og aðstoða eftir föngum. Við hin megum heldur aldrei gefast upp á að hvetja, styðja og aðstoða þá sem í þessum sporum eru.


#ekkigefastupp

©2016-2020 #ekkigefastupp