Teygðu þig eftir því sem þig langar.
- Unnar Erlingsson
- Jul 19, 2019
- 1 min read

Ég var einu sinni gripinn upp á eldhúsborði með hendina í kökukrúsinni. Ég hafði fundið mér leið upp skúffurekkann á eldhússkápnum og með útsjónarsemi tekist að komast upp á borðið, þrátt fyrir stutta fætur og litlar hendur. Mér mistókst í það skiptið, pabbi greip mig glóðvolgan áður en verðlaun erfiðisins voru í hendi en stóru launin voru kannski þau að ég reyndi.
Hversu langt þú teygir þig er til merkis um hversu mikið þig langar. Þeir sem teygja sig lengst eru í mestri hættu við að mistakast, detta, misstíga sig, en þeir eru líka líklegastir til að takast það sem þeir ætla sér.
Það er eftirsóknarvert að vera í þeim hópi.
Comentários