Í sólinni njótum við tónlistarinnar. Í rigningunni skiljum við textann.
Við lærum fátt þegar allt leikur í lyndi, liggjandi á sólarströndinni, eða gerum okkur síður grein fyrir því að minnsta kosti. Þegar fer að rigna fer að reyna á það sem við höfum tileinkað okkur og þegar við fáum vindinn skyndilega í fangið þá kemur í ljós úr hverju við erum gerð.
Ég held að það komi flestum á óvart hversu sterk við erum þegar á móti blæs. Við hugsum nefnilega sjaldan um það og eigum líklega mjög erfitt með að búa okkur undir það. Í erfiðum aðstæðum komumst við að því að styrkur okkar er margfalt meiri en við gerum okkur grein fyrir, þó það gerist ekki fyrr en við lítum til baka.