Sagt er að lengsta leið í heiminum sé frá höfði niður í hjarta. Okkur virðist eðlislægt að flækja hlutina. Í fyrstu virðist mjög erfitt að gera okkur í hugarlund hvað liggur okkur á hjarta, enn snúnara að koma því í orð og svo er framkvæmdin kapituli út af fyrir sig. Það eru nefnilega draumarnir sem fæðast í hjartanu og kveikja upp ástríðu okkar fyrir þeim hlutum sem við látum okkur máli skipta.
Hvað er það sem liggur þér á hjarta? Getur þú komið því í orð? Ef þú ert í þeim hópi, ertu þá tilbúin að láta hjartað ráða og láta verða af því sem hjarta þitt segir þér? Ekki láta stjórnast af ótta, leyfðu hjartanu að ráða.