Fólk getur orðið frægt, vinsælt og notið velgengni mjög skyndilega og jafnvel fyrir litlar sakir. Líka af endemum. Allt þetta getur líka gufað upp með litlum fyrirvara og fyrir litlar sakir, nema þú hafir þeim mun meiri innistæðu. En eitt er það sem fylgir þér alla ævi, mannorðið.
En orðstír
deyr aldregi
hveim er sér góðan getur.
(úr Hávamálum)
Gott mannorð er eins og virðing, getur aðeins áunnist með tíma og góðum gjörðum. Verði manni á, bætir maður fyrir það og heldur áfram.