Þekkt er jákvæða fréttin í fréttatíma RÚV. Síðasta frétt kvöldsins segir okkur jafnan af einhverju jákvæðu, einhverju skemmtilegu sem oft tengist börnum eða dýrum. Pöndum, Kóalabjörnum eða skemmtilegu uppátæki í leikskólanum. Þar á undan erum við oftar en ekki búin að sitja undir tuttugu mínútna bölsýni. Fréttum af öllu mögulegu sem aflaga hefur farið síðasta sólarhringinn í öllum hornum heimsins.
Merkilegt nokk, þá þykja jákvæðu hlutirnir almennt ekki svo fréttnæmir, enda undantekning að þeir komist á dagskrá fjölmiðla. Það kemur kannski ekki á óvart að rannsóknir sýna að átta af hverjum tíu sjá glasið hálf tómt, frekar en hálf fullt. Bölsýni virðist okkur frekar í blóð borin.
En því er hægt að breyta.